Гордо Ви соопштуваме дека на 27 Февруари на Универзиттеот Југоисточна Европа во Тетово (www.seeu.edu.mk) официјално се потпиша трилатерален договор за започнување на пилот проект за отворање на ЈИЕУ/ ЦРБ - ПСМ Бизнис Инкубатор – Тетово во просториите на Универзитетот. Договорот беше потпишан од страна на Торкел Истгорд , Извршен директор на Фондацијата Претприемачки сервис за млади (www.yesincubator.org.mk), Владимир Милчин, извршен директор на Институт отворено општество- Македонија (www.soros.org.mk) и ректорот на Универзитет Југоисточна Европа, Алајдин Абази. Овој пилот проект е дел од долгорочната стратегија на Претприемачки Сервис за Млади (ПСМ) Фондацијата за отворање на бизнис инкубатори во повеќе градови од Македонија со цел стимулирање на претприемништвото помеѓу младите и градење на иновативна инфраструктура за започнување на сопствени бизниси од страна на младата популација.

Целта на овој проект е будење на претприемничкиот дух и поддршка за основање на сопствени бизниси помеѓу младите , не само од овој Универзитет туку и пошироко.