|
Официјалното отварање на ПСМ Инкубаторот се случи на
27ми септември во просториите на ПСМ Фондација.Над 80
гости беа присутни на овој настан вклучувајќи
претставници од Норвешкото министерство за надворешни
работи, СИНТЕФ, ФИООМ, универзитети, донори,
интернационални организации, консултантски компании и
многу други релевантни институции.
Г-от Торкел Истгорд, директорот на ПСМ Фондација имаше
воведен говор и ги претстави активностите и важноста на
ПСМ Фондација и Инкубаторот во процесот на стимулирање
на претприемничкиот дух помеѓу младите како и подршката
која се нуди во формирањето на нови бизниси. Кратки
говори имаа и Норвешкиот амбасадор во Р Македонија –
Неговата Екселенција Карл Виби, Г-ѓата Слободанка
Марковска – претседател на Управниот Одбор на ФИООМ,
Г-от Андерш Штолан – Директор за Развој во СИНТЕФ, Г-от
Коце Трајановски – градоначалник на Општина Гази Баба
како и Г-от Јован Петров – директор на компанија станар
во Инкубаторот во врска со Инкубаторот и услугите кои ги
нуди за да можат претприемачите да ги остварат своите
сништа.
По официјалниот дел од отварањето на
Инкубаторот, беше организирана кратка тура и беа
претставени фирмите станари и деловниот простор на
Инкубаторот.
|
