На 27ми и 28ми септември беа одржани 5тата СЕЕИТА Конференција и 4тите Отворени Денови на МАСИТ во Скопје. Целта на овие конференции беше регионална соработка во доменот на Информатичките Технологии, идентификување на потенцијални новорастечки пазари во Југоисточна Европа и поттикнување на соработка за нови ИКТ проекти.

ПСМ Инкубаторот овозможи учество на сите фирми, станари во Инкубаторот на овие настани, како и промоција на активностите и станарите на Кружната маса која што беше одржана во рамките на Конференцијата со акцент на процесот на Инкубација и Инкубаторите во регионот. Ова беше добра можност за станарите да се запознаат, дискутираат и научат од познати компании и одлична можност за соработка и поврзување со други бизниси. Исто така, ова беше можност да научат повеќе за локаланата и регионалната ИКТ заедница.

Во склоп на Конференцијата имаше презентација за ПСМ Инкубаторот, услугите што се нудат како и првите станари.