Станарите на Инкубаторот како и оние во прединкубациона фаза кои работат на развивање на бизнис идејата можат да аплицираат за грантови до 1500 евра од Грант Фондот на ПСМ Фондација за да започнат сопствен бизнис или да започнат некој проект. За да можат да аплицираат за финансирање, проектот или бизнис идејата треба да бидат иновативна ИКТ идеја.

Грантовите ќе бидат во рамките од 200 до 1500 евра и ќе можат да се користат за развој на нови продукти/услуги, посета на саеми/конференции, набавка на суровини, истражувања како и започнување и основање на бизнис. Бидејќи сепак станува збор за лимитиран буџет за грант фонд, приоритет ќе бидат апликациите од оние фирми/индивидуалци кои претходно немаат користени никакви средтсва од некакви слични програми.

Во согласност со своите стратешки приоритети, фондацијата Институт отворено општество - Македонија одлучи финансиски да го поддржи одобрувањето на кредити за почетни бизниси. Кредитите се наменети за станарите на ПСМ бизнис инкубаторот во рамките на фондацијата Претприемачки сервис за млади - микро и мали претпријатија во приватна сопственост и со претприемачки идеи, регистрирани на територијата на Р.Македонија, кои започнуваат со реализација на своите бизнис планови .

Кредитите се одобруваат за основни средства, обртни средства или комбинирано.

Висината на кредитите може да биде до 900.000,00 денари, со рок на отплата од 3 до 5 години и можност за вклучен грејс период од 6 месеци.